(Schweizerdeutsch)

Samichlaus du liebe Maa
gäll, alli Lüüt wönd Gschänkli haa…

Xbox, Schmuck ond anderi tüüri Sache,
wo ganz vel Lüüt sehr glücklich mache.

Ech fende Gschänkli scho au wonderbar.
die wo vo Härze chömid, esch jo klar.

Es ged so no vel schöni Wönsch,
of die Erföllig hofft glaubs jede Mönsch…

Schöni Momänt ond Begägnige au,
das esch öppis vom Wärtvollschte för Maa ond Frau.

Gueti Gsondheit, Frönde ond Liebi,
Freud ond echli Glöck söll au debii sii.

Echli fröndlicher sii zonenand,
denn mer schaffed das alles nur Hand in Hand.

Frede ond ganz vel Liecht för alli,
ond dass es echli besser wird ganz glii…

Metgestalte chönd mer Mönsche do ganz vel,
dass es i de Dunkelheit wird hell.

Es Cherzli aazünde ond wohlwollend sii,
das esch ned schwär, das brenged mer doch hii?